da chegada das caravelas

17
Nov 15

Expozisaun fotografia sira hosi militár portugés ida nian nebe uluk serbisu iha Timor-Leste iha dékada 60 hosi sékulu liubá sei loke iha Díli iha loron-sábadu iha ámbitu hosi komemorasaun sira tinan 500 bainhira navegadór portugés sira to'o iha Timór.

 

 

Expozisaun "Um olhar sobre Timor - Anos 60", nebe sei halo to'o tinan ne'e nia rohan iha delegasaun hosi Fundasaun Oriente nian iha Díli, hanesan expozisaun kulturál ida nebe iha ligasaun ho selebrasaun sira, nebe nia pontu aas liu maka ho komemorasaun ofisiál iha loron 27 no 28 Novembru.

 

Autór hosi fotografia sanulu resin ne'ebé sei hatudu ba dala uluk iha Timor-Leste maka komandante António Sérgio Cardoso, militár portugés ida nebe uluk destakadu iha nasaun ne'e iha tinan 1960.

 

Hatudu aspetu loron-loron hosi populasaun lokál sira nian moris, hosi festa no selebrasaun sira no hosi kultura timoroan nian.

 

Governu timoroan halo ona programa naruk ida, ho atividade oioin, iha fatin oioin iha Timor-Leste sei selebra tinan 500 bainhira portugés sira tama iha Timór, afirmasaun ba identidade timoroan nian no tinan 40 ba deklarasaun unilaterál independénsia nian.

 

Munisípiu ida-idak sei simu atividade desportivu no serimónia relijiozu sira no protokolár sira iha loron 27 no 28 Novembru, Díli sei iha programa naruk ida ne'ebé inklui feira ida ba artezanatu no gastronomia nian (hosi loron 20 to'o 29 Novembru).

 

Sei halo mós expozisaun relasionadu ba kultura portugeza no timoroan nian, espetákulu sira multimédia, feira ida livru nian, konsertu muzikál sira, teatru no palestra sira kona-bá istória kolonizasaun nian no kona-bá rezisténsia hasoru okupasaun indonézia nian.

 

Iha Díli sei halo mós debate estudante sira nian, kompetisaun sira siklizmu no motokross nian, la'o no "rituál ida agradesimentu ba bei'ala sira" tanba hetan ona independénsia.

 

Iha Oecusse, atividade sira inklui programa relijiozu sira no inklui festivál ida sinema ho lian portugés nian no teatru marioneta sira nian (entre loron 25 no 27 Novembru), feira artezanatu ida no debate ho semináriu oioin.

 

Kompetisaun desportivu oioin, jogu fronteira sira no konkursu hosi serbisu eskola sira nian no atividade sira seluk nebe previstu ona.

 

Serimónia ofisiál sira hahú ona iha loron 27 Novembru ho inaugurasaun ba monumentu foun iha Lifau hodi hanoin ema portugés sira ne'ebé to'o iha illa Timór no bankete nasionál ida nebe oferese hosi Prezidente Repúblika.

 

Iha loron 28 sei hahú ho serimónia hasa'e bandeira nasionál antes halo minutu silénsiu, diskursu sira no leitura ba testu proklamasaun independénsia loron 28 Novembru 1975 nian, nebe sei halo iha Palásiu Governu nia oin iha Díli.

 

@Lusa

publika husi sapotl às 12:09

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO