da chegada das caravelas

29
Nov 15

Primeiru-ministru, Rui Araújo, horisehik hato’o hikas agradesimentu ba Portugál ba "esforsu diplomátiku" no ba portugés sira tanba transforma independénsia Timor-Leste ba kauza ida, hanesan mós ho "apoiu inkondisionál" hosi nasaun luzófona sira seluk.


Foto: Gabinete Primeiru-Ministru

 

"Tian sanulu resin tolu hafoin restaura ami-nia independénsia, ha’u aproveita ita-nia sorumutu iha konvíviu ida ne’e hodi hato’o hikas agradesimentu ba Portugál, ba nia esforsu diplomátiku mak fó ba ami-nia determinasaun, no portugés sira tanba halo hirak ne’e sai ami-nia kauza", deklara Rui Araújo, iha han-kalan mak oferese hosi Governu timoroan ba komemorasaun tinan 40 proklamasaun independénsia no tinan 500 portugés sira tama iha Timór.

 

Iha nia diskursu, xefe Governu timoroan hato’o agradesimentu "ba nasaun no povu maun-alin sira selu hosi CPLP [Comunidade dos Países de Língua Portuguesa], primeiru oferese nia apoiu inkondisionál no halo ami sente halo parte iha família ida, ka ita la partilla ho lian ida, sentimentu no valór komún".

 

Trasu linguístiku no istóriku, koñesimentu, valór no sentimentu ne’ebé mai hosi portugés sira no nia koabitasaun ho identidade autóktone transforma timoroan sira sai "povu ho karakterístika únika iha rejiaun", konsidera Rui Araújo.

 

"No ida ne’e mak ami-nia identidade, sentidu komún hosi valór sira, sentimentu no solidariedade ne’ebé destaka mai ami iha komunidade internasionál no fó korajen mai ami no kapasidade hodi luta ba direitu ba autodeterminasaun, karik nasaun barak deziste bainhira foin komesa. No identidade no kultura únika ne’e mak lori Timor-Leste hodi luta durante tinan 24 ba nia independénsia, iha duni hafoin proklama independénsia iha tinan 1975", nia hatete.

 

Rui Araújo hahi sékulu lima interasaun entre timoroan ho portugés sira, ne’ebé "kontribui hodi harii Timor-Leste ho abut demokrátika, ho valór umanista, ho povu determinadu no líder sira ne’ebé forte, iha ne’ebé sira-na’in rua hatene lori nasaun  ba ambiente pás, estabilidade no seguransa, nasaun ne’ebé boot lalais, nasaun ne’ebé atinje maturidade polítika no fó hakat luan ba nia dezenvolvimentu no, no hanesan nasaun ne’ebé nu’udar ezemplu iha palku internasionál, nasaun globál ida".

 

Nia hatutan katak ohin loron povu timoroan hanesan "atór prinsipál iha destinu" nasaun nian.

 

Portugál nia reprezentante mai iha serimónia ne’ebé hala’o horisehik kalan iha Lifau, iha enklave Oekusi mak prezidente Tribunál Konstitusionál, Joaquim Sousa Ribeiro.

 

Iha Lifau mak portugés sira tama ho ró ba dala uluk, iha tinan 1515, no iha ne’ebé instala primeira kapitál Timór nian.

 

SAPO TL ho Lusa

publika husi sapotl às 04:27

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO