da chegada das caravelas

27
Nov 15

Hosi António Sampaio (Ajénsia Lusa)

Responsável hosi rejiaun autónomu timoroan Oecusse nian, Mari Alkatiri, defende iha loron-sesta ne'e investimentu sira ne'ebé hala'o daudaun iha teritóriu, hodi subliña benefísiu ekonómiku lalais, maibé mós sosiál sira, iha prazu badak.

 


Bainhira investe iha infraestrutura sira, lukru ne'ebé sei hetan lalais maka infraestrutura rasik. Hafoin lukru ekonómiku ne'e, ita sei iha lukru sosiál", nia hatete, iha deklarasaun sira ba Lusa, iha fatin ne'ebé harii daudaun ponte foun iha mota Tono nia leten.

Nune'e Alkatiri hatán ba krítika sira ba investimentu hosi Governu nian iha rejiaun, ida ne'ebé foun maka liuhosi bispu Baucau nia lian, Basílio do Nascimento, ne'ebé refere ona ba osan ne'ebé gasta daudaun.

Mari Alkatiri - responsável hosi Rejiaun Administrativu Espesiál no hosi Zona Espesiál Ekonomia Sosiál Merkadu nian (ZEESM) - ne'ebé lakohi hatán diretu ba krítika sira afirma katak "tempu maka sei hatudu" impaktu hosi investimentu sira.

"Iha tinan ne'e de'it, iha tempu badak, ita iha dolár millaun haat iha reseita sira, maski iha períudu ida ne'ebé labele iha reseita sira, só gasta de'it. Ha'u la fiar iha milagre sira. Ha'u fiar iha kapasidade ba lideransa no jestaun, la'ós iha milagre sira", nia hatete.

"Ami aposta iha lukru ekonómiku, maibé mós iha sosiál. Bainhira populasaun prodús iha fatin ida no ho ponte bele lori nia produsaun orgániku ba portu no aeroportu, ne'e iha benefísiu ekonómiku no finanseiru maibé mós sosiál sira", nia hatete.

Mari Alkatiri iha loron-sesta ne'e akompaña Prezidente Repúblika, Taur Matan Ruak, no primeiru-ministru Rui Maria de Araújo iha vizita ida ba obra prinsipál rua ne'ebé hala'o daudaun iha zona, barajen ida no projetu irigasaun no ponte iha mota Tono.

"Bainhira hahú projetu infraestrutura urbanu sira tenki hanoin ona iha dezenvolvimentu hosi área suburbanu no rurál", hatete.

Obra hosi barajen, ne'ebé iha osan dolár millaun 11, no hahú halo ona iha fulan-Janeiru 2015, hanesan fuan hosi projetu ida ne'ebé boot hosi irigasaun ne'ebé sei fó benefísiu liu ba rai ho hektár 1.700 no ba família rihun resin ne'ebé moris hosi agrikultura iha zona.

Barajen ne'ebé harii iha mota Tono, la hamosu enerjia elétriku maibé aproveita époka udan nian, hodi kanaliza liuhosi kanál sira ne'ebé sei halo irigasaun ba kampu sira ne'ebé Mari Alkatiri hatete katak bele prodús foos ho kualidade di'ak, inkluzive ba exportasaun.

Harii ona metade hosi estrutura betaun armadu ho naruk metru 200, ne'ebé sei kontrola bee ne'ebé sei lori liuhosi kanu ho kilómetru 29 ne'ebé harii iha besik mota.

Tuirmai, sei avansa ho obra no sei sai hanesan ponte boot liu iha Timor-Leste, projetu ida ne'ebé hakarak tulun ba produsaun, iha zona barajen nian no irigasaun nian, bele sai fásil liu ba Oecusse no sai hosi enklave.

Ponte, ne'ebé iha folin dolár millaun 17, iha metru 360, arku tolu no asesu ho metru 30 no 40.

"Ami halo buat hotu kordenadu no integradu. Ezijénsia dahuluk ne'ebé ha'u halo ba konstrutór sira no inspetór sira hosi obra maka hetan kota ida komun no hahú hosi kota ne'e maka halo buat sira seluk, hodi labele akontese estrada aas liu duké aeroportu", nia fó ezemplu.

Obra sira ne'ebé vizitadu maka hanesan infraestrutura prinsipál rua ne'ebé halo daudaun iha enklave Oecusse, ne'ebé ohin no loron-sábadu sei simu komemorasaun sira hosi tinan 500 bainhira portugés sira to'o iha Timór no aniversáriu 40 hosi proklamasaun unilaterál ba independénsia Timor-Leste nian.

Delegasaun hosi nasaun oioin sei hamutuk ho individualidade prinsipál timoroan sira nian no ema millaun resin sei asisti iha enklave ba selebrasaun sira.

publika husi sapotl às 13:04

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO