da chegada das caravelas

27
Nov 15

Agostinho da Silva, alunu hosi eskola sekundária ida besik Ermera, iha Timor-Leste, moris iha tinan 1999 no ohin loron, klaru ho lia-portugés no presiza, ho lian joven polítiku, nia defende importánsia hosi edukasaun ba futuru timoroan sira-nian.


Foto: Epifânio Sarmento

 

Diskursu, ida hosi diskursu barak ne’ebé aprezenta hosi alunu sira hosi eskola hotu iha nasaun, halo parte iha konkursu debate ho lia-portugés mak integra iha komemorasaun tinan 500 bainhira portugés sira tama iha Timor-Leste.

 

"Iha loron 25 abril 1974, Timor-Leste moris iha nakukun laran, katak la iha edukasaun. Eziste de’it pontu naroman balun", hatete joven ne’e hodi refere ba líder istóriku nasaun nian balun: Nicolau Lobato, Xavier do Amaral, José Ramos-Horta, Mário Carrascalão no Mari Alkatiri.

 

Joven ne’e hosi primeira jerasaun ne’ebé moris iha Timor-Leste livre hosi prezensa koloniál portugeza ka okupasaun indonézia no maski iha difikuldade barak, hatudu esforsu autoridade timoroan  sira-nian iha ensinu portugés iha nasaun.

 

Maski estatístika la dun klaru, hatudu ona katak númeru hosi joven sira ne’ebé ko’alia portages sa’e, lian ne’ebé bandu atu ko’alia iha Timor-Leste durante okupasaun indonézia no fila fali ba nasaun.

 

Sira hotu ne’ebé horisehik sa’e ba palku iha Palaban – ne’ebé iha sábadu Tony Carreira no Tito Paris sei sa’e- sira ne’e hosi jerasaun ne’e no reprezenta sá mak lideransa timoroan sira hakarak komemora selebrasaun sira mak halo ema barak, famoza ka ladun famoza ba Oekusi.

 

Objetivu mak selebra marka sira ne’ebé kontaktu ho Portugál no portugés sira husik hela iha identidade timoroan, iha lian, maibé mós iha relijiaun, hanesan hatudu ohin iha serimónia krizma iha ne’ebé ema 1.200 simu bensaun hosi bispu Basílio do Nascimento, iha Igreja Parókia Nossa Senhora do Rosário nia sorin.

 

Enklave iha ne’ebé iha tinan 500 liubá primeiru portugés to’o ba, ohin loron hanesan destinu ema barak nian iha Timor-Leste, ho anónimu, responsável timoroan no konvidadu internasionál sira to’o iha rejiaun ba selebrasaun sira iha sesta-feira no sábadu.

 

Taur Matan Ruak, xefe Estadu, no eis-prezidente Repúblika José Ramos-Horta to’o horisehik ho fragata Betano, komanda hosi responsável komponente navál Forsa Defeza Timor-Leste nian, kapitaun fragata Hijino das Neves.

 

Betano ho nia 'feton', Jaco, doasaun hosi Portugál, halo viajen durante oras lima entre Portu Hera, ba leste Dili nan, no ba portu Oekusi, iha ne’ebé, iha kuarta-feira ne’e primeiru-ministru, Rui Maria de Araújo, no membru sira hosi nia komitiva to’o ho kareta.

 

Ho aviaun, Twin Otter 400 ba pasajeiru 19 - primeiru aviaun Timor-Leste nian, sosa hosi autoridade rejionál Oekusi – to’o ema dezena, inklui sira kuaze na’in 30 ne’ebé sei simu Orden Timor-Leste nian.

 

Prinsipál VIP sira ne’ebé sei marka prezensa iha sesta-feira no horisehik halo hotu preparativu iha otél balun, balun improvizadu liu, iha ne’ebé sei simu ema barak tebes ne’ebé molok ne’e seidauk akontese Oecusse.

 

Programa ofisiál komesa iha loron-kinta dadeer ho inaugurasaun ba ró bronze ida ne’ebé halo iha Vila Nova de Gaia, iha Lifau, tasi-ibun iha ne’ebé navegadór portugés sira tama iha tinan 500 liubá.

 

SAPO TL ho Lusa

publika husi sapotl às 02:30

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO