da chegada das caravelas

26
Nov 15

Hosi António Sampaio (Ajénsia Lusa)

Investimentu sira ne'ebé hala'o daudaun iha Oecusse hanesan konkretizasaun hosi mehi ida ba timoroan sira no rekompensa ida ba povu hosi enklave ne'ebé nunka husik luta ba independénsia, hatete ohin hosi Prezidente Repúblika.


 

"Hanesan konkista boot ida ba ita, liutiha tinan 500. Fatin ne'e, Oecusse, halibur ema portugés no timoroan sira, dala ida tan iha ne'e, hodi halo festa ba inísiu hosi projetu boot ida, hosi mehi boot ida timoroan sira nian no liuliu hosi povu Oecusse nian", hatete hosi Taur Matan Ruak iha deklarasaun sira ba Lusa.

 

"Hanesan dala ida hodi rekompensa mós esforsu sira no dedikasaun sira nian. Mantén firmi no determinadu nafatin, luta hamutuk ho parte boot Timór nian ba independénsia. Hanesan povu ida ne'ebé iha espíritu ida, nasionalizmu ida, patriotizmu ida ne'ebé la kompara", nia afirma.

Taur Matan Ruak ko'alia ba Lusa hafoin vizita tiha sentrál eletriku foun iha Sakato, Oecusse, ne'ebé to'o iha loron-kinta ne'e hodi partisipa iha serimónia sira ba tinan 500 bainhira portugés sira to'o iha Timor-Leste no deklarasaun ba proklamasaun independénsia nian. "Pasadu sai ona hanesa referénsia, lisaun, hodi kaer prezente no buka futuru di'ak ida ba ita nia povu no nasaun", nia hatete.

Xefe Estadu vizita ona sentrál akompaña hosi prezidente Parlamentu Nasionál, primeiru-ministru Rui Maria de Araújo no hosi responsável Rejiaun Administrativu Espesiál no hosi Zona Espesiál Ekonomia Sosiál Merkadu nian (ZEESM) hosi Oecusse-Ambeno, Mari Alkatiri.

Sentrál hanesan projetu ida ne'ebé implementa hosi ZEESM, iha modelu ida ne'ebé sei hanesan teste iha Timor-Leste no inklui forma foun sira hodi hala'o obra públiku sira, ho fiskalizasaun maka'as, no projetu sira ne'ebé integradu hosi dezenvolvimentu.

"Ami aprende daudaun no perfeisaun sei hetan iha prosesu rasik dezenvolvimentu nian, liuliu iha tempu ne'ebé kompetisaun boot entre nasaun sira ne'ebé hakarak dada investidór sira ba sira nia nasaun. No Timór lakohi lakon jigu ne'e, iha kompetisaun boot entre nasaun sira", afirma hosi Taur Matan Ruak. "Ne'e hanesan projetu-pilotu ida ne'ebé bele halo fali. Buat hotu depende hosi dalan oinsá ita jere no dezenvolve projetu ne'e iha ne'e", nia hatete.

Taur Matan Ruak fó hanoin katak iha "polo dezenvolvimentu sira seluk", hanesan iha kosta-súl iha área petrolíferu nian maibé tenki iha "ekilíbriu ida" entre dezenvolvimentu hosi zona urbanu sira no zona rurál sira ne'ebé sei iha problema sira.

Individualidade sira seluk, ne'ebé iha ona Oecusse ba komemorasaun sira loron 27 no 28 Novembru, vizita mós sentrál ne'ebé garanti ona fornesimentu elétriku tomak ba enklave.

"Parabéns ba projetu ne'ebé lori benefísiu boot ba povu Oecusse nian", nia hatete iha Mari Alkatiri nia sorin.

Sentrál, ne'ebé hahú harii ona iha Fevereiru 2015 no iha kapasidade instaladu ho 17 MW, funsiona de'it ho motór ida hosi motór haat, ho ida seluk halo ba rezerva bainhira iha problema. Motór ne'e hanesan sufisiente ba tempu agora tanba iha máximu 2 megawatt, hanesan esplika ba ajénsia Lusa hosi Tapio Ostman, responsável hosi konstrusaun unidade nian.

Ho orsamentu dolár millaun 37 sentrál ne'e harii hosi empreza PT Wartsila Indonézia, sosiedade ida hosi grupu finlandés Wartsila, ne'ebé iha loron 13 liubá asina ona ho ZEESM kontratu ida operasaun no manutensaun nian durante tinan lima.

Bainhira kontratu hotu, ZEESM sei analiza ba renovasaun ho Wartsila, ne'ebé sei forma ekipa timoroan sira ka sei entrega ba jestór sira seluk.

Konsumu hosi rejiaun sei aumenta maka'as bainhira funsiona infraestrutura sira seluk ne'ebé harii daudaun, liuliu aeroportu ne'ebé sei uza 4 megawatt.

publika husi sapotl às 14:33

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO