da chegada das caravelas

24
Nov 15

Timor-Leste ohin loron iha populasaun ida ne'ebé mai hosi Portugal hanesan ho populasaun ne'ebé uluk hela iha teritóriu iha tinan 1974 nia rohan, maski ohin loron nia kompozisaun oioin tebes, ho aumentu ida ne'ebé serbisu iha setór privadu.


Foto: António Amaral/EPA

 

Profesór ho asesór sira hosi área oioin (destaka iha ministériu sira, departamentu públiku sira, iha Parlamentu Nasionál no iha Prezidénsia Repúblika ka instituisaun sira seluk Estadu nian) reprezenta parte boot hosi populasaun ida ne'ebé bele iha ema entre 2.000 no 2.500.

 

Iha susar oituan hodi konfirma númeru loloos, maski seksaun konsulár hosi Embaixada Portugal nian iha Díli rejista ona ema portugés na'in 17.154 no na'in 2.265 mai hosi Portugal.

 

Maibé iha ema barak maka sai ona hosi nasaun no la fó baixa iha rejistu konsulár nian no iha mós balun ne'ebé maka hela nafatin iha nasaun no laiha rejistu iha embaixada.

 

Hanesan ezemplu, no kontráriu ho númeru ne'ebé sensu tinan 2010 halo rejista de'it ema portugés na'in 318, seidauk hatene ema hira maka rejistadu ona iha sensu ne'ebé halo iha tinan ne'e.

 

Hahú 1999 maka komunidade portugeza iha Timor-Leste hahú aumenta ho veteranu sira hosi dékada oioin moris nian iha nasaun (hanesan ezemplu Avó Serra ne'ebé hela iha Timór tinan 51 nia laran) ne'ebé agora iha parte daruak hosi rezidente tuan sira: ema portugés na'in haat ka na'in lima ne'ebé moris iha nasaun hahú pelumenus tinan 2000.

 

Iha tinan dahuluk sira hafoin referendu, prezensa portugeza nian hanesan dominadu hosi militár no polísia sira - to'o ona liu 1.100 - ho profesór sira maka forma parte boot daruak hosi grupu ne'e.

 

Ohin loron iha kompozisaun oioin ho emprezáriu sira ne'ebé foun - balun hela iha nasaun ho funsaun sira seluk, inklui halo parte iha forsa sira seguransa nian - no monta negósiu, konstrusaun sivil, serbisu sira no vendedór retallu nian.

 

Funsionáriu sira hosi empreza boot timoroan nian ka hosi projetu luzu-timoroan boot sira, hanesan Serviço Nacional de Cadastro (SNC) ka iha ligasaun ho empreza sira hanesan Ensul, ne'ebé aleinde konstrusaun sivil la'o mós iha tinan hirak ikus ne'e ba supermerkadu "portugés liu" iha Timor-Leste.

 

Iha ema portugés sira ne'ebé to'o iha Timór hosi loke konsesionáriu karreta nian, barak maka partisipa ona iha projetu voluntariadu ka apoia organizasaun la'ós governu nian no sira seluk loke loja sira, padaria sira ka pastelaria sira no balun loke fatin ba okupasaun tempu livre nian. Maski hanesan kolónia antigu ida, prezensa portugeza nian iha Timor-Leste ladún iha númeru boot.

 

Iha 1750, tinan 49 hafoin governadór portugés dahuluk simu knaar sira iha Lifau - tasi-ibun dahuluk ne'ebé maka portugés sira to'o iha illa no hanesan kapitál dahuluk hosi Flores, Timor no Solor - resenseamentu hatete de'it ba ema europeu na'in 15 iha illa, barak liu hanesan misionáriu.

 

Liutiha sékulu rua, resenseamentu tinan 1950 konfirma katak populasaun portugeza to'o ona na'in 568 ho totál ida hosi mestisu na'in 2.022 iha populasaun ida ho totál 442.378.

 

Iha 1973, ema portugés sira ne'ebé mai hosi Portugal - inklui ema sira hosi Forsa Armada no família sira - besik na'in 3.000.

 

Informasaun ikus sira ne'ebé disponivel hatete katak, iha tinan 1974 nia rohan, iha Timor-Leste iha de'it mane portugés na'in 2.500 no feto na'in 500, barak liu maka soldadu sira, kabu sira no sarjentu sira.

 

Iha tempu ne'ebá mós maka Konsellu Ministru sira nian no sekretariadu hosi Movimentu Forsa Armada sira nia nomeia governadór ikus hosi Timór Portugés nian, tenente-koronél Mário Lemos Pires.

 

Iha nia livru, governadór haree katak iha períudu ikus, antes sai hosi illa, iha Timór iha ema portugés na'in 5.000 resin, númeru ida ne'ebé ki'ik duké komunidade portugeza iha Sydney, sidade boot australianu nian.

 

ho Lusa

publika husi sapotl às 15:30

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO