da chegada das caravelas

23
Nov 15

Hosi António Sampaio, Ajénsia Lusa

Iha outubru ka novembru “1964 ka 65”, lahanoin didi’ak ona, maibé José Serra, sai hosi Fundão, hodi la’o haleu mundu no maisoumenus, fulan ida hafoin to’o iha Timor-Leste, nia nunka sai tan.

 

José Serra, portugés ida ne'ebé halo viajen haleu mundu to'o Timór no nunka halo tan viajen. EPA@ António Sampaio


Avô Serra, ne’ebé koñesidu iha ne’e, halo ona tinan 85 iha fulan outubru ne’e nomós nu’udar dekanu portugés iha Timor-Leste, durante tinan 50 iha teritóriu ne’e, fulan barak tenke hela iha ailaran tanba hala’i hosi funu sivil entre timor-oan nomós depois tanba atake hosi Indonézia sira.

Hafoin kilómetru rihun 15, hosi aldeia Joanas, Castelo Branco, José Serra iha tinan 50 nia laran, lasai hosi koredór entre Dili ho fronteira Indonézisa, ne’ebé ho kilómetru 100.

"Ha’u to’o iha Timór, loron 13 ka 14 dezembru. Laiha buat ida maka hanesan ho Fundão. Ha’u hela iha São Vicente da Beira, Joanas no ha’u-nia maun ida maka iha ne’e. Nia moris ladun di’ak, hanesan mos iha Portugal, nia mai", nia konta ba Lusa.

Foufoun ema simu ninia maun ho di’ak, maibé ladun haree ho di’ak, tanba hakarak “moris mesak”, nia husu tulun ba governadór, Alves Aldeia, hodi fó karau balun ba nia haki’ak, atu bele moris.

"Nia fó kanu 200 ba ha’u hodi dada bee, nia fó kontu lima ba ha’u hodi tau-matan ba kafé nomós karau 25. Ha’u tenke ba lori karau hirak ne’e hosi Dili. Ha’u tenke la’o ain durante semana ida hodi fila hikas", nia konta tuir.

"Hosi karau 25, konsege hetan to’o 400. Haksolok tebes. Miabe funu maka estraga. To’o iha tinan 1974 no sira hahú ho partidu. Iha 1975 ha’u labele hala’i ona", nia lamenta.

“Avó” ladun tuun mai Dili, nia prefere hela hakmatek iha Vato Boro, ‘suku’ kiik hosi ladeia 10 ho kilómetru ualu hosi vila Maubara, ho kareta, la’o minutu 35, hanesan autorora ne’ebé halo ligasaun hosi kapitál ba fronteira.

Iha 1975 no iha fali tinan hikas tuir mai, mosu hanoin ida atu hala’i, tanba funu sivil nomós okupasaun Indonézia, maibé lakonsege: teritóriu ne’e taka ka lafó dalan atu ema ruma sai.

Viajen marka ona, pasaporte prontu no sosa mos ona sapatu ho modelu iha tempu ne’ebá nian, hodi aproveita ho programa Governu portugés, Portugal iha Fuan, maka ajuda ona portugés-oan sira ne’ebé hela iha nasaun seluk, bele fila hikas ba sira-ninia moris fatin. "Ha’u tauk. Ha’u tauk karik lafila", nia konta.

"Ha’u haksolok ho ukun-aan ne’e. Maibé karik ha’u sei bele la’o no la’o, ha’u hakarak bá lai Portugal. Ha’u hakarak tebes bá Portugal. Sira hotu hakarak lori ha’u bá, maibé ha’u dehan: karik ha’u bá ha’u sei lafila ona, tanba ha’u katuas ona. No ha’u sente triste, bainhira husik hela sira ne’ebé ajuda ona ha’u iha ne’e", nia dehan.

Karik tauk ne'e bele mosu hosi ema na'in rua ne'ebé iha Timor-Leste hetan benefísiu hosi programa ne'e: na'in ida mate iha Portugal liutiha loron balun to'o iha Portugal, ida seluk mate iha Timor-Leste liutiha fulan ida to'o hosi Portugal.

To’o sapatu mos at: ema ida ho tinan 50 ne’ebé la’o ain-tanan ka ho sinelu, presija sapatu ho tamañu bot.

Ohin loron, maski buat barak maka mosu iha tinan hirak ikus ne’e, maibé kontinua moris iha ki’ak laran, maibé laimpede ema hirak ne’e atu ajuda viziñu sira ne’ebé halo uma, ajuda faan ai-fuan nomós animál, hodi ikus mai harii Hotel Timór iha Dili.

"Iha semana ne’e ha’u hetan azar. Kareta ninia kondisaun di’ak, maibé lakonsege to’o iha Dili", nia haktuir hikas. Maibé Serra ladun preokupa, hanoin hikas kona-ba momentu difisil nomós rádio "filipe" ne’ebé hakoi tiha no laiha antena atu akompaña notísia kona-ba Portugal.





"Maibé ha'u hanesan ema portugés no ha'u nunka troka ha'u nia kamiza ho kamiza seluk. Ha'u hanesan ema portugés nafatin. No sé maka hakarak sai hanesan ema portugés di'ak ida tenki mai iha ne'e. Tanba iha ne'e iha liu amizade ba portugés sira, saudade maka'as", nia hatete.

Soldadu sira hetan ai-han hosi karau hirak ne’ebé nia hakiak no ninia r’adio uza hodi halo diálogu ho indonézia sira ne’ebé hateten katak uluk nia hanesan embaixadór Portugal nian iha Maubara.

"Ó señor polísia no militár sira, labele dehan ne’e. Ha’u ema Portugal, maibé ha’u-nia hahalok hanesan liu ema Timór. Embaixadór portugés sira, lala’o ain-tanan. Sira sempre uza gravata, kazaku no sapatu, lala’o sabraut hanesan ha’u", nia hatan.

"No nia dehan katak ha’u iha radio ida no ha’u dehan: ha’u iha radio ida, maibé señór tenke fó osan mai ha’u hodi sosa pilla, atu ha’u bele rona Portugal. Noa sira tau tiha kilat no hemu kafé", nia konta.

SAPO TL ho Lusa

publika husi sapotl às 12:15

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO