da chegada das caravelas

23
Nov 15

Governu indonéziu hato’o ba ezekutivu timoroan katak sei fó vistu bainhira to’o iha postu  fronteirisu sira iha illa Timor-Leste iha semana oin iha okaziaun komemorasaun tinan 500 bainhira portugés sira tama iha Timór.



 

Iha komunikadu, Ministériu Negósiu Estranjeiru timoroan esplika katak nia simu ona informasaun iha loron-sesta ne’e hosi Embaixada Indonézia nian iha Dili katak situasaun temporária sei tama iha funsaun entre loron 23 no 30 novembru.

 

Sei aplika iha postu fronteirisu Mota Ain no Wini/Sakato, ka iha fatin pasajen rua ba sé mak hakarak dezloka hosi Timor-Leste ba enklave Oekusi, iha ne’ebé sei hala’o komemorasaun ofisiál sira hosi tinan 500 anos kontaktu entre portugés ho timoroan sira no aniversáriu proklamasaun independénsia Timor-Leste nian ba dala 40.

 

"Relasiona ho komemorasaun tinan 500 afirmasaun identidade Timor-Leste nian, ne’ebé marka ba loron 28 novembru 2015, Governu Indonézia, liu-liu Diresaun Jerál Imigrasaun no Ministériu Justisa no Direitu Umanu Repúblika Indonézia nian, konkorda hodi fó atendimentu vistu ba sidadaun timoroan sira ne’ebé tama uza pasaporte komún, iha pontu entrada Mota Ain no Wini Sakato, entre loron 23 no 30 novembru", refere nota mak haruka hosi misaun diplomátika.

 

Governu konsidera desizaun ne’e fasilita signifikativamente populasaun timoroan sira ne’ebé hakarak dezloka ba Oekusi hodi partisipa iha komemorasaun sira.

 

Rekorda katak burokrasia indonézia ne’ebé maka’as no kustu mínimu ba vistu ho dólar 100 difikulta signifikativamente dezlokasaun ba enklave Oekusi.

 

Ho kareta ba enklave, ne’ebé lokaliza iha kosta norte iha metade indonézia hosi illa, obriga selu vistu tama no sai iha Indonézia (ho dólar amerikanu 50) no prosesu burokrátiku ne’ebé kompleksu ne’ebé bele han to’o semana resin.

 

Situasaun sai kompleksa liu tan no karun ba sé mak hakarak lori kareta Timor-Leste nian (ho folin pelumenus dólar 130 ba dokumentasaun, karik halo viajen mesak) no, aat liu tan, ba kamiaun sira ho materiál, ne’ebé difikulta kualkér tentativa hosi ema ne’ebé mak hakarak hetan benefísiu hosi projetu dezenvolvimentu ne’ebé Governu timoroan hala’o hela iha enklave.

 

SAPO TL ho Lusa

publika husi sapotl às 01:40

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO