da chegada das caravelas

19
Nov 15

Fonte: Lusa

 

Kantór portugés Tony Carreira ho múzika kabu-verdianu Tito Paris sei halo atuasaun iha komemorasaun ofisiál sira tinan 500 bainhira navegadór portugés sira to'o iha Timor-Leste, ho konsertu ida ne'ebé ajenda ona ba loron 28 Novembru iha enklave Oecusse.


Tony Carreira

 

Anúnsiu kona-bá prezensa Tony Carreira nian halo hosi kantór rasik iha vídeo badak ida ne'ebé divulga iha nia pájina Facebook ne'ebé esplika katak nia sei to'o iha Timor-Leste ba selebrasaun sira, ne'ebé koinside ho tinan 40 ba proklamasaun independénsia Timor-Leste nian. "Hanesan orgullu ida mai ha'u hodi reprezenta Portugal", nia hatete iha vídeo.

 

Francisco Kalbuadi, ministru Turizmu, Arte ho Kultura, konfirma ona ba Lusa katak aleinde Tony Carreira, sei iha mós atuasuan hosi Tito Paris iha konsertu hanesan, iha loron 28 Novembru. "To'o agora laiha tan konsertu seluk iha Díli", nia hatete.

 

Tito Paris


Governu timoroan halo ona programa boot ida, ho atividade sanulu resin, iha fatin oioin Timor-Leste nian sei selebra tinan 500 bainhira portugés sira to'o iha illa ne'e, afirmasaun ba identidade timoroan nian no tinan 40 ba deklarasaun unilaterál independénsia nian.

 

Sei iha eventu sira iha Díli no iha enklave Oecusse, inklui inaugurasaun ba monumentu foun - karavela ida ho bronze ne'ebé halo iha Portugal - ne'ebé marka momentu bainhira navegadór sira to'o iha tasi-ibun Lifau nian.

 

Múzika hosi Tony Carreira - Depois de Ti

 

Múzika hosi Tito Paris -  Danca ma mi Crouila

publika husi sapotl às 12:49

Novembru 2015
Dom
Seg
Ter
Kua
Kin
Ses
Sab

1
2
3
4
5
6
7

8
9
10
11
12
13
14

15
20
21

22



arkivu
tags

tags hotu-hotu

konaba ba ha'u
Peskiza
 
blogs SAPO